భద్రాది జిల్లాలో సిపిఐకి తిరుగులేదు: కూనంనేని

భద్రాది జిల్లాలో సిపిఐకి తిరుగులేదని, జిల్లాలో సిపిఐ నిర్ణయాత్మక శక్తిగా ఉందని, రానున్న కాలంలో మరిన్న సమరశీల పోరాటాల ద్వారా పార్టీని మరింత ప్రజలకు చేరువచేస్తామని సిపిఐ రాష్ట్ర కార్యదర్శి కూనంనేనిసాంబశివరావు అన్నారు. రాష్ట్ర కార్యదర్శిగా ఎన్నికైన సందర్భంగా సిపిఐ భద్రాది కొత్తగూడెం జిల్లా సమితి ఆధ్వర్యంలో స్థానిక కొత్తగూడెం క్లబ్ లో కూనంనేనికి శుక్రవారం ఏర్పాటు చేసిన అభినందన సభలో కూనంనేని మాట్లాడారు. సిపిఐ జిల్లా కార్యదర్శి ఎస్. కె. సాబీర్ పాషా అధ్యక్షతన శనివారం జరిగిన సభలో కూనంనేని మాట్లాడుతూ అనేక మంది యోధులు కమ్యూనిస్టు ఉద్యమ వ్యాప్తికి కృషి చేశారని పేర్కొన్నారు.

భద్రాది జిల్లా ప్రజల ప్రేమ, అప్యాయతలు, ప్రముఖుల సహకారం తాను ఈ స్థితికి ఎదగడానికి కారణమయ్యాయని, ప్రజలతో మమేకమై మరింతగా పనిచేసానని అన్నారు. ఎంపిపిగా, ఎమ్మెల్యేగా పనిచేస్తున్న కాలంలో ఉమ్మడి జిల్లా ప్రజలు అందించిన సహకారం మరువలేనిదన్నారు. టాడా కేసులు, పోలీసుల నిర్బందాలు ఎదురైనప్పుడు ఈ జిల్లా ప్రజలు అంగా నిలిచారని తెలిపారు. ఎన్నో ఆటుపోట్లుతో కమ్యూనిస్టు పార్టీ ఎదిగిందని, పార్టీ విస్తరణన వెనుక ప్రతీ కార్యకర్త కృషి, త్యాగం దాగి ఉందన్నారు. ప్రస్తుత పరిస్థితిలో ఎన్నికల్లో పోత్తులు అనివార్యమవుతున్నాయని, మతోన్మాద బిజెపిని ఎదుర్కొనేందుకు టీఆర్ఎస్కు మునుగోడు ఎన్నికల్లో మద్దతు ప్రకటించడం అనివార్యమైందన్నారు.

టీఆర్ఎస్కు మద్దతు ఇచ్చినప్పటికి ప్రజా సమస్యల పరిష్కారం విషయంలో రాజీపడే పరిస్థితి ఉండబోడని స్పష్టం చేశారు. సిపిఐ రాష్ట్ర కార్యదర్శివర్గ సభ్యులు బాగం హేమంతరావు మాట్లాడుతూ. పోడు సమస్య, సింగరేణి, ఆర్టీసి, సంఘటిత, అసంఘటిత రంగ కార్మికులు, రైతులు, ఉద్యోగుల సమస్యల పరిష్కారానికి పోరాట ఎజెండాను రూపొందించుకొని ముందుకు సాగుతామన్నారు.

భద్రాది, ఖమ్మం, మహబూబాబాద్ జిల్లా కార్యదర్శులు ఎస్ కె. సాబీర్ పాషా, పోటు ప్రసాద్, విజయసారధి, రాష్ట్ర కార్యవర్గ సభ్యులు రావులపల్లి రాంప్రసాద్, జిల్లా కార్యవర్గ సభ్యులు బందెల నర్సయ్య, ముత్యాల విశ్వనాధం, కల్లూరి వెంకటేశ్వర్రావు, మున్నా లక్ష్మి కుమారి, నరాటి ప్రసాద్, ఎస్ఓ. సలీమ్, కమటం వెంకటేశ్వర్రావు, రావులపల్లి రాంప్రసాద్, దుర్గరాశి వెంకటేశ్వర్రావు, వై. శ్రీనివాస రెడ్డి, చంద్రగిరి శ్రీనివాసరావు, సలిగంటి శ్రీనివాస్, ఏపూరి బ్రహ్మం, మిర్యాల రంగయ్య, చండ్ర నరేంద్ర కుమార్, ఆకోజు సునీల్ కుమార్, వాసిరెడ్డి మురళి, భూక్య దస్రు, కొమారి హన్మంతరావు, చిరు మామిళ్ళ వెంకటేశ్వర్లు, వి. పూర్ణచందర్ రావు, ఏ. సాయిబాబు, లడ్డా, యూసుఫ్, వీరబాబు, జి. రామకృష్ణ, కందుల భాస్కర్ కంచర్ల జమలయ్య, ఉప్పుశెట్టి రాహుల్, కె. రత్నకుమారి, గెద్దాడు నగేష్, వి. మల్లికార్జున్ రావు, వంగా వెంకట్ జి. వీరస్వామి, మాచర్ల శ్రీనివాస్, పిడుగు శ్రీనివాస్, వి పద్మజ, ధనలక్ష్మి, నిర్మల, కమటం చంద్రకళ, వార్డు కౌన్సిలర్లు నేరెళ్ళ సమైఖ్య, భూక్య శ్రీనివాస్, పి. సత్యనారాయణచారి, బోయిన విజయ్ కుమార్, మాచర్ల రాజకుమారి తదితరులు పాల్గొన్నారు.