సత్తుపల్లి: వచ్చే ఏడాదికల్లా కళాశాలకు నూతన భవనం
ఈ కళాశాలలోనే చదివి డాక్టరు అయ్యి ఉన్నత స్థితికి వచ్చాను. కానీ ఇప్పుడు కళాశాల దుస్థితిని చూస్తుంటే బాదేస్తుందని రాష్ట్ర కాంగ్రెస్ నాయకుడు డాక్టర్ మట్టా దయానంద్ అన్నారు. సోమవారం సత్తుపల్లి ఎస్బీఎస్ ప్రభుత్వ జూనియర్ కళాశాలలో రూ. 20వేలు విలువైన దుస్తులను విద్యార్థులకు పంపిణీ చేశారు. ఎంతో అనుభవజ్ఞలైన అధ్యాపకులు ఉన్న ఈ కళాశాలను వచ్చే ఏడాదికల్లా కార్పొరేట్ కు ధీటుగా తీర్చిదిద్దేందుకు కృషి చేస్తామన్నారు.
