కల్లూరు: పాదచారులపైకి దూసుకెళ్లిన కారు

కల్లూరు మండలంలోని పేరువంచలో బుధవారం రాత్రి ఓ కారు పాదచారులపైకి దూసుకెళ్లింది. ఈ ఘటనలో ఎనిమిది మంది తీవ్రంగా గాయపడ్డారు. కారు డ్రైవర్ అజాగ్రత్తగా, వేగంగా నడపడంతోనే ఈ ప్రమాదం జరిగిందని తెలుస్తోంది. క్షతగాత్రుల్లో ఆరుగురు పురుషులు, ఇద్దరు మహిళలు ఉన్నారు. వీరిని కల్లూరు ప్రభుత్వాస్పత్రికి తరలించి చికిత్స చేయిస్తున్నారు. గాయపడిన వారిలో మంచాల చిన్న నర్సయ్య, నర్సమ్మ పరిస్థితి విషమించడంతో ఖమ్మం తరలించారు.