వైద్యం వికటించి చిన్నారి మృతి

వైద్యం వికటించి చిన్నారి మృతి చెందిన సంఘటన గురువారం చోటుచేసుకుంది. పెద్దపల్లి పట్టణానికి ఖదీర్, రేష్మల ఏడు నెలల కూతురు అనారోగ్యానికి గురి కావడంతో ఓ ప్రైవేటు ఆసుపత్రిలో చేర్పించి వైద్యం చేయించారు. వైద్యుడు తమ పాపకు మోతాదుకు మించి మందులివ్వడంతో వైద్యం వికటించి పరిస్థితి విషమించిందని తెలిపారు. వెంటనే కరీంనగర్ తరలించగా చికిత్స పొందుతూ పాప మృతి చెందడంతో ఆగ్రహించిన కుటుంబ సభ్యులు ఆసుపత్రిపై దాడికి దిగారు.