బోర్లంలో ఘనంగా విజయదశమి వేడుకలు

కామారెడ్డి జిల్లా బాన్సువాడ మండలం బోర్లo గ్రామంలో శనివారం విజయదశమి వేడుకలను ఘనంగా జరుపుకున్నారు. ఈ సందర్భంగా గ్రామ పంచాయతీ ఆవరణలో కాషాయ పతాకావిష్కరణ గావించి గ్రామ శివారులో గల బసవేశ్వర ఆలయం వద్ద శమీ వృక్షానికి పూజలు చేయడానికి భాజా భజంత్రిలతో బయలుదేరి వెళ్లారు. శమీ వృక్షానికి పూజ అనంతరం ఒకరికొకరు అలాయి భలాయ్ చేసుకుంటూ విజయదశమి శుభాకాంక్షలు తెలుపుకున్నారు.