రాష్ట్రస్థాయి ఖోఖో టోర్నీ.. ఉమ్మడి పాలమూరుకు 3వ స్థానం

హైదరాబాద్ లోని మౌలాలిలో శని, ఆదివారం నిర్వహించిన 34వ రాష్ట్రస్థాయి అంతర్ జిల్లా ఖోఖో పోటీల్లో ఉమ్మడి మహబూబ్ నగర్ బాల, బాలికల జట్లు మూడోస్థానంలో నిలిచాయి. ఈ నేపథ్యంలో ఆదివారం ఉమ్మడి జిల్లా ఖోఖో అసోసియేషన్ అధ్యక్ష, కార్యదర్శులు ఒబేదుల్లా కొత్వాల్, జీఏ. విలియం పలువురు అభినందించారు. రానున్న టోర్నీల్లో విజేతగా నిలవాలని ఆకాంక్షించారు. ఈ టోర్నీలో కోచ్ లు, పీఈటీలు మహేష్, సామ రమేష్ తదితరులు పాల్గొన్నారు.