కాపర్ తీగలు చోరి

కాపర్ కేటుగాళ్ళు రెచ్చిపోతున్నారు. భైంసా మండలం దేగాం గ్రామ శివారులోని వ్యవసాయ క్షేత్రంలోని ట్రాన్స్ ఫార్మర్ పగలగొట్టి అందులోని కాపర్ తీగలను దొంగిలించినట్లు శనివారం ఎస్ఐ శ్రీనివాస్ తెలిపారు. రైతు సుదర్శన్ రెడ్డి వ్యవసాయ క్షేత్రంలోని 25కేవి ట్రాన్స్ఫార్మర్ ను ధ్వంసం చేసి ఆందులోని రాగి తీగలను దుండగులు ఎత్తుకెళ్లినట్లు తెలిపారు. బాధితుడి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు తెలిపారు.