ప్రభుత్వ పాఠశాలలో ఘనంగా బతుకమ్మ సంబరాలు

జైనథ్ మండలం గిమ్మ ప్రాథమిక పాఠశాలలో బతుకమ్మ సంబరాలను శనివారం ఘనంగా నిర్వహించారు. విద్యార్థులు, ఉపాధ్యాయులు స్వయంగా బతుకమ్మలు తయారు చేసి ఆడిపాడారు. అనంతరం బతుకమ్మలను వాగులో నిమజ్జనం చేశారు. తరువాత సమావేశం ఏర్పాటు చేసి, బతుకమ్మ చరిత్ర, ప్రాశస్త్యం, పండుగ చేసుకునే విధానంలో వచ్చిన మార్పులు తదితర అంశాలపై విద్యార్థులతో చర్చించారు. ప్రకృతి, పర్యావరణంతో పెనవేసుకుపోయిన బతుకమ్మ పండుగ విశిష్టతను వివరించారు.