తమిళనాడులోని ఉమెన్స్‌ హాస్టల్‌లో పేలిన ఫ్రిడ్జ్‌, ఇద్దరు యువతులు మృతి

తమిళనాడులో భారీ అగ్నిప్రమాదం సంభవించింది. మదురై జిల్లా కాట్రంపళయం ప్రాంతంలోని విసాక ప్రైవేట్‌ ఉమెన్స్‌ హాస్టల్‌లో గురువారం తెల్లవారుజామున ఫ్రిడ్జ్‌ పేలింది. దీంతో ఒక్కసారిగా భారీగా మంటలు చెలరేగాయి. ఈ ప్రమాదంలో ఇద్దరు యువతులు మృతిచెందారు. మరో నలుగురికి తీవ్రగాయాలు కావడంతో ఆస్పత్రికి తరలించారు. సమాచారం అందుకున్న ఫైర్ సిబ్బంది ఘటనా స్థలానికి చేరుకొని మంటలను అదుపులోకి తెచ్చారు.