மகளிர் ஹாக்கி இறுதிப்போட்டி: இந்தியா - சீனா இன்று மோதல்

மகளிர் ஜூனியர் ஆசிய கோப்பை ஹாக்கி போட்டி ஓமன் தலைநகர் மஸ்கட்டில் நடந்து வருகிறது. இதில் நேற்று (டிச.14) மாலை நடந்த முதலாவது அரையிறுதியில் இந்திய அணி - ஜப்பான் அணிகள் மோதின. இந்த ஆட்டத்தில் இந்திய அணி 3-1 என்ற கோல் கணக்கில் ஜப்பானை வீழ்த்தி இறுதிப்போட்டிக்கு முன்னேறியது. மற்றொரு அரையிறுதியில் சீனா - தென்கொரியா அணிகள் மோதின. இதில் சீன அணி 4-1 என்ற கோல் கணக்கில் வெற்றிப் பெற்றது. இன்று இரவு 8.30 மணிக்கு நடைபெறும் இறுதிப்போட்டியில் இந்தியா-சீனா அணிகள் மோதுகின்றன.