சிவகாசி: பட்டாசு தொழிலாளி உயிரிழப்பு...

சிவகாசியில் சிறுவர்கள் பட்டாசு வெடித்த போது காயமடைந்த தொழிலாளி பரிதாபமாக உயிரிழப்பு.
விருதுநகர் மாவட்டம், சிவகாசியில் சிறுவர்கள் பட்டாசு வெடித்த போது பட்டாசு வாங்கி வந்த தொழிலாளி மீது தீப்பொறி விழுந்ததில், தீ விபத்து ஏற்பட்டதில் காயமடைந்த தொழிலாளி சிகிச்சை பலனின்றி இன்று காலை உயிரிழப்பு. சிவகாசி புதுத்தெருவை சேர்ந்த பட்டாசு தொழிலாளி காளிராஜன்(52), இவர் கடந்த 30-ம் தேதி தீபாவளி பண்டிகைக்காக வீட்டிற்கு பட்டாசு வாங்கிக் கொண்டு வந்துள்ளார். அப்போது சிறுவர்கள் வெடித்த பட்டாசு தீப்பொறி காளிராஜன் மீது விழுந்து உள்ளது. இதில் அவர் வாங்கி வந்த பட்டாசுகள் தீப்பற்றி வெடித்து காளிராஜன் மீது தீ பற்றியது. இதில் 90 சதவீதம் தீக்காயம் அடைந்த காளிராஜன் சிவகாசி அரசு மருத்துவமனையில் உள்ள தீக்காய பிரிவில் அனுமதிக்கப்பட்டார். மேலும் தொடர் சிகிச்சை பெற்று வந்த இவர் இன்று காலை காளிராஜன் சிகிச்சை பலனின்றி உயிரிழந்தார். இச்சம்பவம் குறித்து சிவகாசி நகர் போலீசார் வழக்கு பதிவு செய்து விசாரித்து வருகின்றனர்.