சிவகாசி: 3 திருவிழா தாமரை மலர் அலங்காரத்தில் அம்மன் வீதி உலா.

சிவகாசி அருகே திருத்தங்கல் ஸ்ரீமாரியம்மன் கோவில் பங்குனி பொங்கல் 3 ஆம் திருவிழா. தாமரை மலர்கள் அலங்காரத்தில் அம்மன் வீதி உலா.
விருதுநகர் மாவட்டம், சிவகாசி அருகேயுள்ள திருத்தங்கல்லில், இந்து சமய அறநிலையத்துறைக்கு சொந்தமான பிரசித்தி பெற்ற அருள்மிகு ஸ்ரீமாரியம்மன் கோவிலில் ஆண்டு தோறும் பங்குனி பொங்கல் திருவிழா வெகு சிறப்பாக நடைபெறும். இந்த ஆண்டு பங்குனி பொங்கல் திருவிழா, கடந்த 30ம் தேதி (ஞாயிறு கிழமை) கொடியேற்றத்துடன் தொடங்கியது. மூன்றாம் திருவிழாவான தாமரை மலர்களால் அலங்காரம் செய்து மின் விளக்கு ரதத்தில். வாண வேடிக்கை, மேளதாளத்துடன் அம்மன் வீதி உலா நடைப்பெற்றன. இதில் திரளான பக்தர்கள் கலந்து கொண்டு அம்மனை சாமி தரிசனம் செய்தனர். திருவிழாவின் முக்கிய நிகழ்வுகள் வரும் ஏப்ரல் 06ம் தேதி (ஞாயிறு கிழமை) பொங்கல் திருவிழா நடைபெறுகிறது. பங்குனி பொங்கல் திருவிழாவின் முக்கிய நிகழ்ச்சியான தேரோட்டம் திருவிழா 10ம் தேதி (வியாழன் கிழமை) காலை நடைபெறுகிறது. திருவிழா ஏற்பாடுகளை கோவில் நிர்வாகிகளும், நிகழ்ச்சி உபயதாரர்களும் சிறப்பாக செய்து வருகின்றனர்.