இன்றைய ராசிபலன் (06-09-2023)

மேஷம்: இந்த ராசிகளுக்கு திருமணம் கூடிவரும். நேர்மையான சிந்தனையை வளர்த்துக் கொள்ளுங்கள். தொழில் ரீதியாக இருந்து வந்த பிரச்னைகள் நீங்கும். தேவையான பணம் கிடைக்கும். கணிணி துறை சார்த்தவர்களுக்கு வேலையில் மாற்றம் இருக்கும். முக்கியமான முடிவுகள் எடுப்பதை தவிர்க்கவும். ரிஷபம்: இன்று நீங்கள் பணியிடத்தில் சில தவறுகள் செய்ய நேரிடும். அதனால் தேவையில்லாமல் உங்களின் மன நலம் பாதிக்கப்படும். கணவன் - மனைவி இடையே பிரச்னை ஏற்படும். அதிகம் பணம் இருந்தாலும் தேவையற்ற செலவுகளைச் செய்ய வேண்டிய கட்டாயம் ஏற்படும். குளுமையான உணவுகள் உட்கொள்வதை தவிர்க்கவும். மிதுனம்: இன்று அமைதியான அணுகுமுறை மிகவும் அவசியம். தியானம் மேற்கொள்வது உங்களுக்கு மிகவும் நல்லது. வியாபாரிகள் பணத்தை கையாளும் பொழுது கவனம் தேவை.குடும்பத்தில் இருப்பவர்களிடம் அனுசரித்து செல்லவும். வேலையிடத்தில் சூழ்நிலைக்கு ஏற்ப நடந்து கொள்ளவும். மனைவியிடம் மனம் விட்டு பேசினால் பிரச்னைகள் குறையும். கடகம்: இன்று உங்களுக்கு பணவரவு அதிகமாகக் காணப்படும். பயனுள்ள நோக்கங்களுக்காக உங்களின் பணத்தை செலவு செய்வீர்கள். ஆரோக்கியம் நன்றாக இருக்கும். உடல் நலனில் எந்தவிதமான பிரச்னைகளும் இருக்காது. கலை சார்ந்த துறைகளில் இருப்பவர்களுக்கு புதிய வாய்ப்புகள் கிடைக்கும். வியாபாரத்தில் அதிக லாபம் கிடைக்கும். சிம்மம்: வெளியூர் பயணங்களால் மாற்றம் ஏற்படும். தந்தை வழி உறவினர்களால் ஒத்துழைப்பு கிடைக்கும். திருமணம் தொடர்பான பேச்சுவார்த்தை சாதகமாக முடியும். புதிய முயற்சிகளில் எதிர்பார்த்த வெற்றி கிடைக்கும். திருமணம், சீமந்தம், கிரகப் பிரவேசம் போன்ற சுபச் செலவுகள் அதிகரிக்கும். வேலைச்சுமை அதிகரிக்கும். வியாபாரத்தில் எதிர்பார்த்ததைவிட லாபம் அதிகரிக்கும். கன்னி: குடும்ப உறுப்பினர்களிடம் தேவையற்ற விவாதங்களை தவிர்க்கவும். எதிர்காலம் தொடர்பான சிந்தனைகள் அதிகமாக இருக்கும். தேவையில்லாத செலவுகள் சேமிப்பை குறைக்கும். குடும்பத்தில் அன்பும் மகிழ்ச்சியும் நிறைந்திருக்கும். வியாபாரத்தில் புது யுக்திகளை கையாண்டு லாபத்தைப் பெருக்குவீர்கள். துலாம்: குரு சாதகமாக சஞ்சரிப்பதால் வீட்டில் சுபகாரியங்கள் குறித்த பேச்சு வார்த்தைகள் நடைபெறும். வீடு வாங்குவது, விற்பது, திருமணம் தொடர்பான பேச்சுவார்த்தைகள் சாதகமாகும். வியாபாரத்தில் சுமாரான லாபம் வரும். கொடுக்கல், வாங்கலில் சிந்தித்துச் செயல்படவும். எதிர்காலம் தொடர்பான சிந்தனை மேம்படும். விருச்சிகம்: வேலை தேடுபவர்களுக்கு புதிய வேலை கிடைக்கும். பங்குச் சந்தை முதலீடு லாபமாக இருக்கும். நீதிமன்றத்தில் உங்கள் மேல் இருக்கும் வழக்குகள் சாதகமாக முடியும். வீடு கட்ட எதிர்பார்த்த பணம் வரும். உத்தியோகத்தில் அதிகாரிகளுக்கு நெருக்கமாவீர்கள். கலைத்துறையினருக்கு வசதி, வாய்ப்புகள் பெருகும். மாணவர்களுக்கு கல்வியில் இருந்து வந்த ஆர்வமின்மை குறையும், படிப்பில் கவனம் செலுத்த வேண்டும். தனுசு: வித்தியாசமான கற்பனை மனதில் தோன்றும். பொழுதுபோக்கு விஷயங்களில் ஆர்வம் அதிகமாக இருக்கும். புதன் வலுவாக இருப்பதால் பழைய நண்பர்கள், உறவினர்கள் தேடி வந்து பேசுவார்கள். பணவரவு அதிகமாக இருக்கும், பணியிடத்தில் சாதகமான சூழலே காணப்படும். கலைத்துறையினருக்கு புதிய வாய்ப்புகள் கிடைக்கும். மகரம்: இன்று நீங்கள் தைரியமாகச் சில முக்கிய முடிவுகள் எடுப்பீர்கள். சூரியன் வலுவாக இருப்பதால் திடீர் பயணங்கள் உண்டு. அயல்நாடு செல்ல விசா கிடைக்கும். தந்தைவழிச் சொத்தை பெறுவதில் இருந்து வந்த அனைத்து பிரச்னைகள் நீங்கும். மருத்துவத் துறையில் இருப்பவர்களுக்கு மேன்மை ஏற்படும். வியாபாரத்தில் புதிய திட்டங்கள் வகுத்து லாபத்தை பெருக்க முயற்சி எடுப்பீர்கள். கும்பம்: இன்று மனதில் தன்னம்பிக்கை அதிகரிக்கும். சிந்தனையில் தெளிவு பிறக்கும். தாயின் உடல்நிலைக்காக பணம் செலவழிக்க நேரும். இது உங்களுக்கு கவலையைத் தரும். அலுவலகத்தில் குறித்த நேரத்தில் பணிகளை முடிக்க முடியாமல் போகும். உங்கள் சக பணியாளர்களிடமிருந்து போதுமான ஆதரவு கிடைக்காது. அவர்களால் சில சிக்கல்கள் ஏற்படும். மீனம்: பொருளாதாரத்தில் முன்னேற்றம் இருக்கும். மனதளவில் இருந்து வந்த குழப்பம் குறையும். சகோதரர்கள் ஆதரவாக இருப்பார்கள். உத்தியோக பணியில் நுட்பமான விஷயங்களை புரிந்து கொள்வீர்கள். மகிழ்ச்சியான மனநிலை காரணமாக முழு ஆரோக்கியத்துடன் இருப்பீர்கள். 60 வயதை கடந்தவர்களுக்கு உடல்நிலை பாதிக்கப்படும்.