பல்லடத்தில் காரில் புகுந்த பாம்பை லாவகமாக பிடித்த நபர்

திருப்பூர் மாவட்டம் பல்லடம் ராயர்பாளையம் அபிராமி நகர் பகுதியில் குமார் என்பவர் வசித்து வருகிறார். இந்த நிலையில் அவரது இனோவா சொகுசு காரில் நாக பாம்பு ஒன்று உள்ளே புகுந்துள்ளது. தொடர்ந்து அவர் காரில் இருந்து உடனடியாக வெளியே வந்து அருகில் இருந்தவர்களிடம் தகவல் தெரிவித்தார். தொடர்ந்து அங்கிருந்த நபர் ஒருவர் காரினுள் இருந்த நாகப்பாம்பினை லாவகமாக வெளியே எடுத்து அடர்ந்த காட்டுப்பகுதிக்குள் கொண்டு சென்று விட்டு வந்தார். இந்த நிலையில் நபர் ஒருவர் காரினுள் புகுந்த பாம்பினை லாவகமாக பிடிக்கும் வீடியோ சமூக வலைதளங்களில் வெளியாகி பரபரப்பை ஏற்படுத்தி உள்ளது.