துறையூர் --வீடுகளுக்குள் புகுந்த மழை நீர்

துறையூர் சுற்றுவட்டார பகுதிகளில் நேற்று வெள்ளிக்கிழமை சுமார் ஒரு மணி நேரம் பெய்த மழையால் பி. மேட்டூர் கிராமத்தில் நடுவீதியில் உள்ள குறுகலான கழிவுநீர் கால்வாய் அடைபட்டதால், மழைநீர் தேங்கி வீடுகளுக்குள் புகுந்தது. இதில் பெருமாள், பூபதி, கவிதா, லக்கனண், லட்சுமி, சதாசிவம் ஆகியோர் வீடுகளை சுற்றி தண்ணீர் பெருமளவு தேங்கியது. மழை ஒரு மணி நேரத்திற்கு மேலாக நீடித்ததால் இவர்களது வீடுகளுக்குள் மழை நீர் புகுந்தது இதனால் பெரும் சிரமத்திற்கு இப்பகுதி மக்கள் ஆளாகினர்.