திருச்சி பகவதி அம்மன் கோயிலில் மர்ம நபர்கள் கை வரிசை

முசிறியை அடுத்த தொட்டியம் அருகே ஏலூர்பட்டி ஊராட்சி மாராச்சி பட்டி பகவதி அம்மன் கோவிலில் நேற்று இரவு மர்ம நபர்கள் அம்மன் காலில் இருந்த வெள்ளி கொலுசை திருடி சென்றுள்ளனர். இன்று காலை அப்பகுதி மக்கள் கொலுசு காணாமல் போனதை கண்டு அதிர்ச்சி அடைந்தனர். இது குறித்து அறிந்த ஊர் பொதுமக்கள் சார்பில் காட்டுப்புத்தூர் காவல் நிலையத்தில் புகார் அளித்துள்ளனர். அந்த புகாரின் பேரில் உதவி ஆய்வாளர் ராதா வழக்கு பதிவு செய்து கொலுசு திருடியவரை தேடி வருகின்றனர்.