தூத்துக்குடி: குடியரசு தின காவல்துறை அணிவகுப்பு ஒத்திகை

தூத்துக்குடி மாவட்ட விளையாட்டு அரங்கில் குடியரசு தின அணிவகுப்பு ஒத்திகை நிகழ்ச்சி நடைபெற்றது. தூத்துக்குடி மதுவிலக்கு டிஎஸ்பி அருள் கண்காணிப்பில் ஆயுதப்படை ஆய்வாளர் தலைமையில் நூற்றுக்கும் மேற்பட்ட ஆயுதப்படை ஆண் பெண் காவலர்கள் அணிவகுப்பு ஒத்திகையில் ஈடுபட்டனர். இதைத்தொடர்ந்து சைனிக் பள்ளி மாணவர்கள் ராணுவ வீரர்கள் வாசிக்கும் பேண்ட் வாத்திய இசையை இசைத்து ஒத்திகை நிகழ்ச்சியில் ஈடுபட்டனர். இந்த ஒத்திகை நிகழ்ச்சியில் ஊர் காவல் படையினர் மற்றும் தேசிய மாணவர் படையினர், சாரண மாணவர் படையினர் ஆகியோர் பங்கேற்றனர்.