வேனில் கடத்தப்பட்ட ரேஷன் அரிசி பறிமுதல்; ஒருவர் கைது

தூத்துக்குடி வேனில் கடத்தப்பட்ட ஆயிரம் கிலோ ரேஷன் அரிசி பறிமுதல்; வேன் டிரைவர் மணிகண்டன் என்பவர் கைது கடலோர பாதுகாப்பு குழும காவல் துறையினர் வாகன சோதனையில் நடவடிக்கை




தூத்துக்குடியில் கடலோர பாதுகாப்பு குழும ஆய்வாளர் பேச்சிமுத்து தலைமையில் காவல்துறையினர் வெள்ளப்பட்டி சோதனை சாவடி அருகே வாகன சோதனையில் ஈடுபட்டு கொண்டிருந்தனர்.

அப்போது சந்தேகத்திற்கிடமான வகையில் வந்த ஒரு வேனை பிடித்து சோதனை செய்தனர் இதில் அந்த வேனில் சுமார் 1000 கிலோ ரேஷன் அரிசி பதிக்க வைக்கப்பட்டு கடத்தப்படுவது தெரியவந்தது.


இதை அடுத்து கடலோர பாதுகாப்பு குழும காவல்துறையினர் கடத்தப்பட்ட ஆயிரம் கிலோ ரேஷன் அரிசி மற்றும் கடத்தலுக்கு பயன்படுத்திய வேனை பறிமுதல் செய்ததுடன் கடத்தலில் ஈடுபட்ட தூத்துக்குடி பண்டாரம் பட்டி பகுதியைச் சேர்ந்த வேன் டிரைவர் மணிகண்டன் என்பவரையும் கைது செய்தனர்.

மேலும் இந்த ரேஷன் அரிசி கடத்தலில் வேறு யாருக்கும் தொடர்பு உள்ளதா என்பது குறித்தும் விசாரணை நடத்தி வருகின்றனர்.