வழுக்கு மரத்தில் போட்டி போட்ட இளைஞர்கள்

நெல்லை மாநகர பகுதியில் உள்ள யாதவர் இளைஞர் உள்ளிட்ட அமைப்புகள் சார்பில் கிருஷ்ண ஜெயந்தி விழாவினை முன்னிட்டு வழுக்கு மரம் ஏறும் நிகழ்ச்சி நேற்று இரவு நடைபெற்றது. கோபாலசாமி கோயில் சன்னதி அருகே நடைபெற்ற இந்த நிகழ்ச்சியில் பிரம்மாண்ட வழுக்கு மரத்தின் உயரத்தில் கட்டப்பட்ட பொருட்களை இளைஞர்கள் போட்டி போட்டு பறிக்கும் நிகழ்ச்சி நடைபெற்றது. இதில் வெற்றி பெற்றவர்களுக்கு பரிசு வழங்கப்பட்டது. இந்த நிகழ்ச்சியில் ஏராளமான மக்கள் கலந்து கொண்டனர்.