வத்தலகுண்டு: யானையின் கோரைப்பற்களை விற்க முயன்ற 3 பேர் கைது

வத்தலகுண்டு அருகே பெண் யானையின் கோரைப்பற்களை விற்க முயன்ற 3 பேர் கைது, 2 கோரைப்பற்கள் பறிமுதல்

திண்டுக்கல், வத்தலகுண்டுவில் இருந்து மதுரை செல்லும் சாலையில் தனியார் பாலிடெக்னிக் கல்லூரி அருகே பெண் யானையின் கோரைப்பற்களை விற்க முயற்சித்ததாக மதுரை வனக்குற்றப்பிரிவு அதிகாரிகள் மற்றும் வத்தலகுண்டு வனத்துறையினருக்கு கிடைத்த ரகசிய தகவலின் அடிப்படையில் அப்பகுதிக்கு விரைந்து சென்ற வனத்துறையினர் கண்காணிப்பு பணியில் ஈடுபட்டு பெண் யானையின் கோரைப்பற்களை விற்பனைக்காக வைத்திருந்த வால்பாறையைச் சேர்ந்த சசிகுமார்(36), கொடைக்கானலைச் சேர்ந்த ஜெயராமன்(74) வீரக்கல்லைச் சேர்ந்த செல்லத்துரை(49) ஆகிய 3 பேரை கைது செய்து அவர்களிடமிருந்து 2 பெண் யானையின் கோரைப்பற்களை பறிமுதல் செய்து வழக்குப் பதிவு செய்து விசாரணை மேற்கொண்டு வருகின்றனர்.