நாங்கள் எல்.கே.ஜி. தான். , பா.ம.க., பி.ஹெச்.டி: திருமாவளவன்

தஞ்சாவூரில், ஞாயிற்றுக்கிழமை விடுதலை சிறுத்தைகள் கட்சி தலைவர் தொல். திருமாவளவன் செய்தியாளர்களிடம் கூறியதாவது:
நாங்கள் எல். கே. ஜி. , தான். பா. ம. க. , பி. ஹெச். டி. , தான் இதில் வருத்தப்படுவதற்கு ஒன்றும் இல்லை. நாங்கள் தி. மு. க. , கூட்டணியில் தான் இருக்கிறோம். அதில் ஒன்றும் பிரச்சனை இல்லை. மதுவிலக்கு என்பது எல்லோருக்குமான பிரச்சனை, எல்லோருக்கும் அழைப்பு விடுத்துள்ளோம். இந்த மாநாட்டில் பங்கேற்பதும், பங்கேற்காமல் இருப்பதும் அவரவர்கள் விருப்பம்.

பா. ம. க. , வை இழிவு படுத்துவது எங்களது நோக்கம் அல்ல. மது விலக்கு மாநாடு குறித்து பல்வேறு விமர்சனங்கள் வருகிறது. களங்கம் விளைவிக்க வேண்டும் என பலர் நினைக்கிறார்கள். அதை நாங்கள் பொருட்படுத்தவில்லை.  

மதுவிலக்கு மாநாட்டிற்காக அறைகூவல் விடுக்கப்பட்டுள்ளது. கட்சிகளின் முன்னணி தலைவர்களுடன் பேசி நல்ல முடிவு எடுக்கப்படும். மதுக்கடைகளுக்கு எதிராக அனைவரும் சேர்ந்து குரல் எழுப்புவார்கள். யாருக்கும் மதுக்கடைகள் இருக்கக் கூடாது என்பதில் மாற்றுக் கருத்து இல்லை. மதுபான கடைகள் இருக்கட்டும் என சொல்ல எந்த அரசியல் கட்சிக்கும் சொல்ல வாய்ப்பு இல்லை. மதுவால் மிகப்பெரிய பாதிப்பு ஏற்படுகிறது. அனைவரும் ஒருமித்த கருத்தில் இருக்கும் போது ஏன் சேர்ந்து குரல் கொடுக்கக் கூடாது. அனைவரும் ஒன்று சேர்ந்தால் நிச்சயம் மதுக் கடைகளை மூட முடியும்" இவ்வாறு அவர் கூறினார்.