ராஜஸ்தானிலிருந்து புகையிலை பொருட்கள் கடத்தியவர்கள் கைது

.

தஞ்சாவூர் மாவட்டம், கும்பகோணம் பகுதியில் தமிழக அரசால் தடை செய்யப்பட்ட புகையிலை பொருட்கள் விற்பனை செய்யப்படுவதாக கிழக்கு காவல் நிலையத்திற்கு தகவல் வந்தது அதன் பேரில போலீசார் திங்கள்கிழமை தாராசுரம் ரயில் வே கேட்டில் வாகன சோதனை நடத்தினர்.

அப்போது சந்தேகம் அளிக்கும் வகையில் இருசக்கர வாகனத்தில் வந்த இருவரை சோதனை செய்த போது அவர்கள் வைத்திருந்த பையில் இரண்டு புகையிலை மூட்டைகள் இருந்தது.

விசாரணையில் மூர்த்தி செட்டி தெருவை சேர்ந்த சுகுமார் மகன் கணேஷ் குமார் (32 ) தாராசுரம் சந்தையில்சுமை இருக்கும் தொழிலாளி, ஹம் மற்றொருவர் ராஜஸ்தான் மாநிலத்தைச் சேரந்த
பஜன்லால் மகன் சேத்தன் குமார் (32) என்று தெரிய வந்தது.

சேத்தன் குமார் ராஜஸ்தானில் இருந்து கும்பகோணத்திற்கு ஸ்டேஷனரி பொருட்கள் லாரியில் கொண்டு வரும் பொழுது அதனுடன் சேர்த்து புகையிலை பொருட்களையும் கொண்டு வந்து கும்பகோணம் பகுதியில் உள்ள கடைகளில் விற்பனை செய்தது தெரிய வந்தது. போலீசார் இருவரையும் கைது செய்து அவர்களிடமிருந்து 110 கிலோ தடை செய்யப்பட்ட புகையிலை பொருட்கள் , மற்றும் இரு சக்கர வாகனங்கள்2, இரண்டு கைபேசிகள் ஆகியவற்றை கைப்பற்றி இருவரையும் கைது செய்து சிறையில் அடைத்தனர். புகையிலை பொருட்கள் மதிப்பு ரூ. 5 லட்சம் என்று போலீஸார் தரப்பில் சொல்லப்பட்டது.