சென்னை சென்ட்ரல் - குமரி இடையே இன்று சிறப்பு ரயில் இயக்கம்

தீபாவளியை முன்னிட்டு, சென்னையில் இருந்து தென் மாவட்டங்களுக்கு சிறப்பு ரயில்கள் இயக்கப்பட்டு வருகின்றன. அந்த வகையில், சென்னை சென்ட்ரலில் இருந்து கன்னியாகுமரிக்கு இன்று (அக்.27) சிறப்பு ரயில் இயக்கப்பட உள்ளது. இன்று இரவு 11.25 மணிக்கு புறப்பட்டு கன்னியாகுமரி செல்லும் ரயில், நாளை மதியம் 12.45 மணிக்கு கன்னியாகுமரி சென்றடையும். மறுமார்க்கமாக, அங்கிருந்து நாளை மதியம் 2.45 மணிக்கு புறப்பட்டு மறுநாள் அதிகாலை 3.45 மணிக்கு எழும்பூர் வந்தடையும்.