சாலையில் மரம் சாய்ந்து விழுந்ததால் போக்குவரத்து பாதிப்பு

சிவகங்கை மாவட்டம் மானாமதுரையில் இருந்து சிவகங்கை செல்லும் ரோட்டில் சிஎஸ்ஐ பள்ளி எதிர்ப்புறம் ரோட்டின் ஓரமாக இருந்த பெரிய மரம் ஒன்று நேற்று இரவு பெய்த கனமழையினால் இன்று காலை ரோட்டில் சாய்ந்து விழுந்தது. இதனால் மானாமதுரையில் இருந்து சிவகங்கை செல்லும் வாகனங்களும், சிவகங்கையிருந்து மானாமதுரை வரும் வாகனங்களும் நகருக்குள் வர முடியாமல் மிகுந்த சிரமப்பட்டன. மேலும் டூவீலர்களில் செல்பவர்களும் இவ்வழியாக செல்ல முடியாமல் மிகுந்த அவதிப்பட்டனர் இதனை தொடர்ந்து நகராட்சி நிர்வாகத்தினர் மற்றும் நெடுஞ்சாலை துறை நிர்வாகத்தினர் மரத்தை அகற்றும் பணியில்இன்று காலை சுமார் 9 மணி வரை  ஈடுபட்டு வருகின்றனர். சிவகங்கை ரோட்டில் மரம் சாய்ந்து விழுந்ததை தொடர்ந்து அப்பகுதியில் போக்குவரத்து பாதிப்பு ஏற்பட்டுள்ளது.