விளம்பர தூதுவராக செயல்பட வேண்டும்; அமைச்சர் உதயநிதி

சிவகங்கை மாவட்டம் காரைக்குடி அழகப்பா பல்கலைக்கழகத்தில் விளையாட்டு உபகரணங்கள் வழங்கும் நிகழ்ச்சியில் அமைச்சர் உதயநிதி ஸ்டாலின் பங்கேற்றார். அப்போது அவர் பேசுகையில், தமிழ்நாட்டு விளையாட்டு வீரர்கள் அனைத்து விளையாட்டுகளிலும் உலக சாதனை படைத்து வருகின்றனர்.

தமிழக விளையாட்டு துறை எடுத்து வரும் அனைத்து நடவடிக்கைகளுக்கும் அனைத்து தரப்பில் இருந்தும் பாராட்டு குவித்து வருகின்றனர். 100 விளையாட்டு வீரர்களுக்கு அரசு வேலை வழங்கப்பட உள்ளது. யாராலும் வீழ்த்த முடியாத வீரராக கலைஞர் இருந்து வந்தார். தமிழக அரசின் பல்வேறு திட்டங்களால் இன்று தமிழகம் எல்லாத்துறையிலும் முன்னேறிய மாநிலமாக விளங்குகிறது. நீங்கள் (பயனாளிகள்) தமிழக அரசின் சாதனைகளை பொது மக்களுக்கு எடுத்துச் கூறும் விதமாக விளம்பர தூதுவராக செயல்பட வேண்டும் என்று கூறினார்.