நாலெட்ஜ் பொறியியல் கல்லூரியில் பட்டமளிப்பு விழா

நாலெட்ஜ் பொறியியல் கல்லூரியில் 11-வது ஆண்டு பட்டமளிப்பு விழா நேற்று(செப்.14) நடந்தது. விழாவுக்கு நாலெட்ஜ் பொறியியல் கல்லூரி அறக்கட்டளை நிறுவனர் சீனிவாசன் தலைமை தாங்கினார். எஸ். ஆர். எம். அறிவியல் மற்றும் தொழில்நுட்ப பல்கலைக்கழகத்தின் துணைவேந்தர் முத்தமிழ்ச்செல்வன், நல்லாஸ் நிறுவனத்தின் தலைமை செயல் அதிகாரி செந்தில் பரமசிவம் ஆகியோர் சிறப்பு விருந்தினர்களாக பங்கேற்று மாணவ, மாணவிகளுக்கு பட்டங்கள் வழங்கினர்.

விழாவில் 500-க்கும் மேற்பட்ட பொறியியல், மேலாண்மைத்துறை மாணவர்களுக்கு இளங்கலை, முதுகலை பட்டங்கள் வழங்கப்பட்டது. மேலும் அண்ணா பல்கலைக்கழக தேர்வில் ஒரு தங்கப்பதக்கம், தரவரிசை பட்டியலில் 3 இடங்கள் பிடித்தவர்கள் மற்றும் வகுப்பில் முதல் 3 இடங்களை பிடித்த 23 மாணவர்களுக்கும் பதக்கம் வழங்கி கவுரவிக்கப்பட்டது.