திமுக சார்பு அணிக்கு விருப்பம் உள்ளவர்கள் விண்ணப்பிக்கலாம்

சேலம் கிழக்கு மாவட்ட செயலாளர் எஸ். ஆர். சிவலிங்கம் வெளியிட்டுள்ள அறிக்கையில் கூறியிருப்பதாவது: -
சேலம் கிழக்கு மாவட்டத்துக்கு உட்பட்ட நகர, ஒன்றிய, பேரூர் அளவில் சார்பு அணிக்கு ஒரு அமைப்பாளர், 5 துணை அமைப்பாளர்கள் வீதம் நியமிக்கப்பட உள்ளனர். எனவே விருப்பம் உள்ள தி. மு. க. நிர்வாகிகள், கல்லூரி மாணவ- மாணவிகள் சேலம் கிழக்கு மாவட்ட தி. மு. க. அலுவலகமான தளபதி மு. க. ஸ்டாலின் அறிவாலயத்தில் இன்றும் (ஞாயிற்றுக்கிழமை), நாளையும் (திங்கட்கிழமை) விண்ணப்ப படிவம் பெற்று அதனை பூர்த்தி செய்து மாவட்ட அலுவலகத்தில் ஒப்படைக்கவும், பின்னர் தலைமை கழக நிர்வாகிகள் மூலம் நேர்காணல் நடத்தப்பட்டு இறுதி பட்டியலை தி. மு. க. தலைமை கழகம் வெளியிடும் என்பதை தெரிவித்துக் கொள்கிறேன். இவ்வாறு அந்த அறிக்கையில் கூறப்பட்டுள்ளது.