சேலம் அழகாபுரத்தில் புனித மிக்கேல் ஆலய திருவிழா கொடியேற்றம்

சேலம் அழகாபுரத்தில் முதன்மை வானதூதர் புனித மிக்கேல் ஆலயம் செயல்பட்டு வருகிறது. இந்த ஆலயத்தின் தேர்த்திருவிழா நேற்று கொடியேற்றத்துடன் தொடங்கியது. சேலம் மறைமாவட்ட முன்னாள் ஆயர் சிங்கராயன் தலைமை தாங்கி திருவிழா கொடியை ஏற்றி வைத்தார். ஆலய பங்கு தந்தை எட்வர்ட் ராஜன் முன்னிலை வகித்தார். இதில், பங்கு பேரவை துணைத்தலைவர் பிஜீ, அன்பிய ஒருங்கிணைப்பாளர் ஜெரோம், பங்கு பேரவை உறுப்பினர் மேரி பிளேரா, ரித்திஷ் ஆகியோர் குத்துவிளக்கு ஏற்றினர். தொடர்ந்து திருப்பலி நடந்தது.


ஆலய திருவிழா மற்றும் கூட்டுத்திருப்பலி வருகிற 6-ந் தேதி காலை 8 மணிக்கு மறைமாவட்ட ஆயர் அருள் செல்வம் ராயப்பன் தலைமையில் நடைபெறுகிறது. அன்று மாலை 5. 30 மணிக்கு சேலம் மறைமாவட்ட முதன்மை குரு மைக்கேல் ராஜ் செல்வம் தலைமையில் திருப்பலி நடைபெறும். தொடர்ந்து தேர் மந்திரிப்பு, தேர்ப்பவனி, நற்கருணை ஆசிர்வாதம் நடக்கிறது. செயின்ட் ஜான்ஸ் சி. பி. எஸ். இ. , பள்ளி முதல்வர் ஸ்டேன்லி சேவியர் நற்கருணை ஆசீர்வாதம் வழங்குகிறார்.