கிணற்றில் தவறி விழுந்த மான் உயிருடன் மீட்பு

சேலம் மாவட்டம் ஆத்தூர் கல்பகனூர் அருகே செம்மாங்கரடு பகுதியில் வசித்து வரும் செல்லப்பா கவுண்டர் மகன் துரைசாமி இவர் அப்பகுதியில் விவசாயம் செய்து வருகிறார். இவரது விவசாயி தோட்டம் வனப்பகுதி அருகில் இருப்பதால் அடிக்கடி அப்பகுதியில் புள்ளிமான்கள், மயில்கள், இறைத்தேடியும், குடிநீர் தேடியும் வருவது வழக்கம் இந்நிலையில் 28 (செப்) இரைத்தேடி விவசாய தோட்ட பகுதியில் வந்த புள்ளிமான் தவறி விவசாய தோட்ட கிணற்றில் விழுந்துள்ளது. இதை அறிந்த தோட்ட உரிமையாளர் உடனடியாக தீயணைப்பு நிலையத்திற்கு அளித்த தகவலின் பெயரில் தீயணைப்பு நிலைய அலுவலர் அசோகன் தலைமையிலான வீரர்கள் சம்பவ இடத்திற்கு விரைந்து சென்று சுமார் ஒரு மணி நேரம் போராட்டத்திற்கு பின் கிணற்றில் தவித்த புள்ளிமானை உயிருடன் மீட்டனர். பின்னர் புள்ளிமானை வனச்சரகரிடம் ஒப்படைத்தார். கிணற்றில் தவறி விழுந்த புள்ளிமானை உயிருடன் மீட்ட தீயணைப்பு துறைக்கு விவசாயி நன்றி தெரிவித்தார்.