இருசக்கர வாகன விபத்தில்... மாற்றுத்திறனாளி உயிரிழப்பு

சேலம் மாவட்டம் ஆத்தூர் அருகே உடையம்பட்டியில் வசித்து வரும் மாற்றுத்திறனாளி புவனேஸ்வரன் என்பவர் தனது மூன்று சக்கர வாகனத்தில் ஆத்தூரில் இருந்து தனது வீட்டிற்கு கடந்த 16ஆம் தேதி சென்று கொண்டிருந்தார்.

அப்போது, புது உடைம்பட்டி அருகே அடையாளம் தெரியாத வாகனம் மோதி விபத்துக்குள்ளானதில் படுகாயம் அடைந்த அவர் சேலம் மருத்துவமனையில் சிகிச்சை பெற்று வந்தார். இந்தநிலையில் சிகிச்சை பலனின்றி உயிரிழந்தார். ஆத்தூர் ஊரக போலீசார் விபத்து குறித்து விசாரணை மேற்கொண்டு வருகின்றனர்.