காரும் இருசக்கர வாகனமும் நேருக்கு நேர் மோதி விபத்து

பரமக்குடியில் காரும் இருசக்கர வாகனமும் நேருக்கு நேர் மோதி விபத்து: இருவர் உயிரிழப்பு.

ராமநாதபுரம் மாவட்டம் பரமக்குடி அருகே மதுரை ராமேஸ்வரம் தேசிய நெடுஞ்சாலையில் ராமநாதபுரம் அரசு மருத்துவமனை கல்லூரியில் பணிபுரியும் மருத்துவர் ஸ்ரீராம் என்பவர் கோவையில் தனது குடும்பத்தினரை பார்த்து விட்டு ராமநாதபுரம் நோக்கி காரில் வந்து கொண்டிருந்தார்.
அப்போது ராமநாதபுரத்தில் இருந்து பரமக்குடி நோக்கி வந்து கொண்டிருந்த சந்தை கடை பகுதியைச் சேர்ந்த லோகநாதன், குமாரக்குறிச்சி கிராமத்தை சேர்ந்த சந்தோஷ் ஆகியோர் இருசக்கர வாகனத்தில் நான்கு வழிச்சாலையில் எதிர் திசையில் வந்து கொண்டிருந்தனர். அப்போது காரும் இருசக்கர வாகனமும் நேருக்கு நேர் மோதிய விபத்தில் லோகநாதன், சந்தோஷ் குமார் ஆகிய இளைஞர்கள் சம்பவ இடத்திலே உயரிழந்துள்ளனர்.
இந்த விபத்து குறித்து பரமக்குடி தாலுகா போலீசார் விசாரணை செய்து வருகின்றனர்.
இறந்த இருவரின் உடல் உடற்கூறு ஆய்வுக்காக பரமக்குடி அரசு மருத்துவமனைக்கு கொண்டு செல்லப்பட்டது.