திருநள்ளாறில் நவராத்திரி முன்னிட்டு சிறப்பு வழிபாடு

காரைக்கால் அடுத்த திருநள்ளாறில் உள்ள ஸ்ரீ சனிபகவான் ஆலயத்தில் நவராத்திரி எட்டாம் நாள் முன்னிட்டு நேற்று (அக்.,10) இரவு ஸ்ரீ பிரணாம்பிகை தாயார் சரஸ்வதி தேவி அலங்காரத்தில் பக்தர்களுக்கு அருள்பாலித்தார். இதில் நவராத்திரியை முன்னிட்டு பல வண்ண மலர்களால் அலங்கரிக்கப்பட்ட பிரணாம்பிகை தாயாருக்கு மகா தீபாராதனை நடைபெற்றது. இதில் ஏராளமான பக்தர்கள் கலந்து கொண்டு அம்பாளை வழிபட்டனர்.