சபாநாயகர் மீது நம்பிக்கையில்லா தீர்மானம் - நாளை வாக்கெடுப்பு

சபாநாயகர் அப்பாவு மீது அதிமுக கொண்டுவந்த நம்பிக்கையில்லா தீர்மானம் மீது நாளை வாக்கெடுப்பு நடைபெற உள்ளது. அப்பாவுவை சபாநாயகர் பதவியில் இருந்து நீக்கக்கோரும் தீர்மானத்தை எதிர்க்கட்சி துணைத் தலைவர் ஆர்.பி.உதயகுமார் சட்டசபை செயலாளர் சீனிவாசனிடம் அளித்தார். இந்நிலையில், நாளை வாக்கெடுப்பு நடைபெற உள்ளது. வாக்கெடுப்பு நடக்கும்போது அப்பாவு அவரது இருக்கையில் இருக்கமாட்டார். துணை சபாநாயகர் பிச்சாண்டியோ அல்லது மாற்று தலைவர்களோ சபாநாயகர் இருக்கையில் அமர்ந்து அவையை நடத்துவார்கள்.