தையல் மற்றும் எம்பிராய்டரி பயிற்சி தொடக்க விழா

நாமக்கல் மாவட்டம் ஆண்டலூர்கேட் பகுதியில் அமைந்துள்ள திருவள்ளுவர் அரசு கலை கல்லூரி ஆதிதிராவிடர் நல மாணவியர் விடுதியில் பெண் குழந்தைகளை காப்போம் பெண் குழந்தைகளுக்கு கற்பிப்போம் திட்டத்தின் கீழ், மாணவியர்களுக்கு தையல் மற்றும் எம்பிராய்டரி பயிற்சி தொடக்க விழா நடைபெற்றது. இதனை நாமக்கல் மாவட்ட ஆட்சித்தலைவர் மருத்துவர் ச. உமா தொடங்கி வைத்தார். இதில் 35 மாணவிகளுக்கு முதல் கட்டமாக தையல் இயந்திரங்கள் வழங்கப்பட்டது. இந்நிகழ்வில் கட்சி நிர்வாகிகள், பொதுமக்கள் மற்றும் பலர் உடன் இருந்தனர்.