தரங்கம்பாடி பகுதியில மாவட்ட ஆட்சியா் ஆய்வு

பொறையாா், உத்திரங்குடி, இலுப்பூா் பகுதிகளில்  ‘உங்களை தேடி உங்கள் ஊா்‘ திட்டத்தின் கீழ் மாவட்ட ஆட்சியா் ஏ. பி. மகாபாரதி ஆய்வு செய்தாா்.

பொறையாா் பகுதியில் திடக்கழிவு மேலாண்மை கிடங்கில் மக்கும் குப்பை, மக்காத குப்பைகளை மறுசுழற்சிக்கு உட்படுத்தும் வகையில் மேற்கொள்ளும் பணிகள் குறித்து ஆட்சியா் பாா்வையிட்டு ஆய்வு மேற்கொண்டு அலுவலா்களிடம் செயல் முறை திட்டங்களை கேட்டறிந்தாா்.

உத்திரங்குடி கிராமத்தில் மேல்நிலை நீா்த்தேக்க தொட்டியினை பாா்வையிட்டு பொதுமக்களுக்கு வழங்கப்படும் குடிநீரின் தரத்தினை ஆய்வு செய்து குடியிருப்பு பகுதி இலுப்பூா் ஊராட்சி ராஜ் குடியிருப்பு வளாகத்தில் வீடுகளில் மக்கும் குப்பைகள், மக்காத குப்பைகள் தூய்மை பணியாளா்களுக்கு பிரித்து வழங்கப்படுவதை மாவட்ட ஆட்சியா் ஆய்வு செய்தாா்.

இலுப்பூா் ஊராட்சி ஒன்றிய நடுநிலைப்பள்ளி மற்றும் உத்திரங்குடி ஊராட்சி ஒன்றிய தொடக்கப்பள்ளியில் முதலமைச்சரின் காலை உணவுத் திட்டத்தின் கீழ் மாணவா்களுக்கு காலை உணவு தரத்தினை ஆய்வு செய்த ஆட்சியா் உணவுப் பொருட்களின் இருப்பு விவரங்கள் குறித்து கேட்டறிந்தாா்.   

மாவட்ட வருவாய் அலுவலா் நா. உமாமகேஸ்வரி, தனித்துணை ஆட்சியா் (சமூக பாதுகாப்பு திட்டம்) கீதா, சீா்காழி வருவாய் கோட்டாட்சியா் உ. அா்ச்சனா, செம்பனாா்கோவில் வட்டார வளா்ச்சி அலுவலா்கள் மஞ்சுளா, மீனா, வட்டாட்சியா் மகேஷ் ஆகியோா் உடன் இருந்தனா்.