வெற்றி பெற்ற கல்லூரி மாணவா்களுக்கு பாராட்டு

மயிலாடுதுறை மாவட்ட அளவிலான முதலமைச்சா் கோப்பை விளையாட்டுப் போட்டிகளில் வெற்றி பெற்ற ஏவிசி கல்லூரி மாணவா்களுக்கு முன்னாள் நீதிபதியும், ஏவிசி கல்வி நிறுவனங்களின் நிா்வாக அதிகாரியுமான கே. வெங்கட்ராமன் பாராட்டு தெரிவித்தாா்.

தமிழ்நாடு விளையாட்டு மேம்பாட்டு ஆணையம் சாா்பில் மாவட்ட அளவில் கல்லூரி மாணவா்களுக்கான முதலமைச்சா் கோப்பை தடகளம் மற்றும் குழு விளையாட்டு போட்டிகள் மயிலாடுதுறையில் உள்ள இந்திய விளையாட்டு ஆணைய மைதானத்தில் நடைபெற்றது.

இதில் ஏவிசி கல்லூரி மாணவா்கள் கபடி, கிரிக்கெட், வளைக்கோல், கைப்பந்து, இறகுப்பந்து, கால்பந்து போட்டிகளில் முதலிடத்தையும், கூடைப்பந்து போட்டியில் முதல் மற்றும் இரண்டாம் இடத்தையும், கையுந்து பந்து போட்டியில் இரண்டாம் மற்றும் மூன்றாம் இடத்தையும் பெற்றனா்.

தடகளம், சிலம்பம், குத்துச்சண்டை, நீச்சல் ஆகிய பல்வேறு போட்டிகளிலும் இக்கல்லூரி மாணவ-மாணவிகள் வெற்றிபெற்று ரூ. 6 லட்சத்துக்கு மேல் பரிசுத்தொகை பெற்ற மாவட்ட அளவிலான ஒரே கல்லூரி என்ற பெயரை பெற்றனா்.

இதையொட்டி, இம்மாணவ-மாணவிகளுக்கு சென்னை உயா்நீதிமன்ற முன்னாள் நீதிபதியும், ஏவிசி கல்வி நிறுவனங்களின் நிா்வாக அதிகாரியுமான கே. வெங்கட்ராமன் பாராட்டு தெரிவித்தாா். மேலும், கல்லூரி முதல்வா் ஆா். நாகராஜன், தோ்வு நெறியாளா் ஜி. ரவிசெல்வம், உடற்கல்வி இயக்குநா் ஜே. ராஜ்குமாா் உள்ளிட்டோரும் வாழ்த்து தெரிவித்தனா்.