மதுரை: ரத்தன் டாட்டாஈவிற்கு அஞ்சலி செலுத்திய ஐடி ஊழியர்கள்

உலகையே திரும்பிப் பார்க்க வைத்த தொழிலதிபர் ரத்தன் டாடா அவர்கள் உடல்நலக் குறைவு காரணமாக காலமான நிலையில் மதுரை மாடக்குளம் பகுதியில் இருக்கக்கூடிய ஐடி நிறுவனத்தில் அதன் ஊழியர்கள் மற்றும் நிர்வாக அலுவலர்கள் என அனைவரும் இணைந்து டாட்டா அவர்களின் மறைவிற்கு இன்று மௌன அஞ்சலி செலுத்தினர்.

மேலும் மெழுகுவர்த்தி ஏந்தி அவருடைய உருவப்படத்திற்கு மலர் தூவியும் அஞ்சலி செலுத்தினர்.

தொடர்ந்து செய்தியாளர்களை சந்தித்த பயிற்சி நிறுவனம் உரிமையாளர் பேசுகையில்,

இந்தியாவில் பல்வேறு இளம் தொழில் முனைவோர்கள் உருவாக காரணமாக இருந்தவர். நாம் அன்றாடம் பயன்படுத்தக்கூடிய குறிப்பாக ஏழை எளிய மக்கள் உபயோகப்படுத்தக்கூடிய வகையில் கார் உள்ளிட்ட பல்வேறு தொழில்களையும் பொருட்களையும் இந்திய மக்களுக்கு கொடுத்தவர்.
உடல் நலக்குறைவு காரணமாக இறந்தது பேரிழப்பு, அண்ணாருடைய மறைவிற்கு எங்களது ஆழ்ந்த இரங்கல் என்று தெரிவித்தார்.