மதுரை: இடி, மின்னலுடன் மழை பெய்ய வாய்ப்பு

மேற்கு திசை காற்றின் வேக மாறுபாடு காரணமாக, தமிழகத்தில் இன்று (ஏப்ரல் 13) இடி, மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தகவல் அளித்துள்ளது. 

அதன்படி சென்னை, புதுச்சேரி, விழுப்புரம், கள்ளக்குறிச்சி, திருவண்ணாமலை, வேலூர், தர்மபுரி, திருவள்ளூர், கடலூர், திருப்பூர், சேலம், ஈரோடு, நாமக்கல், தஞ்சாவூர், திருச்சி, திண்டுக்கல், நாகப்பட்டினம், அரியலூர், பெரம்பலூர், புதுக்கோட்டை, திருவாரூர், திருநெல்வேலி, கரூர், தூத்துக்குடி, கோயம்புத்தூர், நீலகிரி, தென்காசி, மதுரை, கன்னியாகுமரி, ராமநாதபுரம், சிவகங்கை, தேனி, விருதுநகர் ஆகிய மாவட்டங்களில் இடி, மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது என சென்னை வானிலை ஆய்வு மையம் தெரிவித்துள்ளது.

மேலும், ஏப்ரல் 18ஆம் தேதி வரை தமிழகத்தில் லேசானது முதல் மிதமான மழை பெய்யக்கூடும் என தெரிவிக்கப்பட்டுள்ளது. அதே போல் தமிழ்நாட்டில் அதிகபட்ச வெப்பநிலையில் பெரிய மாற்றம் ஏதும் இல்லை. எனினும் ஒரிரு இடங்களில் சற்று உயரக்கூடும் எனவும் சென்னை வானிலை ஆய்வு மையம் தெரிவித்துள்ளது.