ஊத்தங்கரை அதிமுக மத்திய ஒன்றியம் சார்பில் ஆலோசனைக் கூட்டம்

கிருஷ்ணகிரி மாவட்டம் ஊத்தங்கரை சட்டமன்ற தொகுதிக்கு உட்பட்ட படப்பள்ளியில் அனைத்திந்திய அண்ணா திராவிட முன்னேற்றக் கழகம் ஊத்தங்கரை மத்திய ஒன்றியம் சார்பில் ஜெ. ஜெ. நகர், பட்டுக்கானூர், பெருமாள் குப்பம், அம்பேத்கர் நகர், புதுக்காடு, கனகம்பட்டி உள்ளிட்ட கிராமங்களில் உள்ள கழக நிர்வாகிகளுக்கு வரும் 2026 ஆம் ஆண்டு சட்டமன்ற தேர்தலில் அதிக வாக்கு வித்தியாசத்தில் வெற்றி பெற வேண்டிய ஆலோசனைக் கூட்டம் நடந்தது. இந்த ஆலோசனைக் கூட்டம் மாவட்ட செயலாளர் அசோக்குமார் தலைமையில் ஊத்தங்கரை சட்டமன்ற உறுப்பினர் டி. எம். தமிழ்செல்வம் முன்னிலையில், கழக துணை பொதுச்செயலாளர் கே. பி. முனுசாமி கலந்து கொண்டு ஆலோசனை வழங்கினார். 

அப்போது 2026-ல் மீண்டும் அதிமுக ஆட்சி அமைய நீங்கள் நான் காரணமாக இருக்க முடியும் என கேட்டுக் கொண்டு தின்னை பிரச்சாரம் செய்ய வேண்டி கேட்டுக் கொண்டார். முன்னதாக ஒன்றிய செயலாளர் சாமிநாதன் வரவேற்புரை ஆற்றினார். இதில் மாவட்டத் துணைச் செயலாளர் சாகுல் ஹமீத், ஒன்றிய செயலாளர்கள் வேடி, வேங்கன், சக்கரவர்த்தி, நரேஷ்குமார், மருத்துவ அணி மருத்துவர் இளையராஜா, மாணவர் அணி ஒன்றிய செயலாளரும் முன்னாள் ஊராட்சி செயலாளருமான பூபதி, தகவல் தொழில்நுட்ப பிரிவு அரிபுத்திரன், மணிகண்டன், இளைஞர் மற்றும் இளம் பெண்கள் பாசறை நகர செயலாளர் அம்ஜத் உள்ளிட்ட மாவட்ட ஒன்றிய நகர கிளை கழக நிர்வாகிகள் கலந்து கொண்டனர்.