யுபிஎஸ்சி தேர்வில் கோவில்பட்டி மாணவன் சாதனை

2022 ஆம் ஆண்டு அகில இந்திய அளவில் நடைபெற்ற யுபிஎஸ்சி தேர்வுகளின் இறுதி முடிவுகள் தற்போது வெளியாகின. 1,022 பணி இடங்களுக்கு நடந்த தேர்வில் நாடு முழுவதும் 933 பேர் தேர்ச்சி பெற்றுள்ளனர் என்று மத்திய பணியாளர் தேர்வாணையம் அறிவித்துள்ளது. இதனை தொடர்ந்து யுபிஎஸ்சி தேர்வில் கோவில்பட்டியை சேர்ந்த ராமகிருஷ்ண சாமி என்பவர் அகில இந்திய அளவில் 117வது இடத்தை பிடித்து சாதனை படைத்துள்ளார். மேலும் யுபிஎஸ்சி இறுதித் தேர்வில் முதல் 4 இடங்களையும் பெண்களே பிடித்தனர் என்பது குறிப்பிடத்தக்கது.