குளித்தலையில் எல்கை பந்தய போட்டி, சீறி பாய்ந்த குதிரைகள்

கரூர் மாவட்டம் குளித்தலை அருகே புதுப்பாளையம், கோட்டமேடு, எம்ஜிஆர் நகர், எழுநூற்று மங்கலம், மேலகுட்டப்பட்டி, கீழகுட்டப்பட்டி ஆகிய ஊர் பொதுமக்கள் சார்பில் 10 ஆம் ஆண்டு மாபெரும் எல்கை பந்தய போட்டி நடைபெற்றது.

இதில் மாடுகளுக்கான சிறிய மாடு, ஒத்தை மாடு, இரட்டை மாடு, குதிரைகளுக்காக சிறிய குதிரை, புதிய குதிரை, பெரிய குதிரை, சைக்கிள் ரேஸ் உள்ளிட்ட பல்வேறு போட்டிகள் நடைபெற்றன.

குளித்தலை எம்எல்ஏ மாணிக்கம் போட்டியினை கொடியசைத்து துவக்கி வைத்தார்.

இந்த எல்கை பந்தயப் போட்டியில் காளைகள் மற்றும் குதிரைகள் எல்லைக்கோட்டில் இருந்து சீறிப்பாய்ந்தன.

சிறிய மாட்டிற்கு 3 மைல், பெரிய மாட்டிற்கு 6 மைல், இரட்டை மாட்டிற்கு 8 மைல் தொலைவும், சிறிய குதிரைக்கு 8 மைல் தொலைவும், பெரிய குதிரைக்கு 10 மைல் தூரம் நிர்ணயிக்கப்பட்டது.

இதில் திருச்சி, கரூர், தஞ்சாவூர், புதுக்கோட்டை, திருவாரூர், திண்டுக்கல் உள்ளிட்ட பல்வேறு மாவட்டங்களில் இருந்து நூற்றுக்கு மேற்பட்ட காளைகள், குதிரைகள் கலந்து கொண்டன.

இந்த எல்கை பந்தய போட்டியில் வெற்றி பெற்ற குதிரை மற்றும் காளை உரிமையாளர்களுக்கு பரிசுத் தொகைகள் வழங்கப்பட்டன.