2 பைக்குகள் நேருக்கு நேர் மோதியதில் கணவன், மனைவி படுகாயம்

நாமக்கல் மாவட்டம் நல்லிபாளையம் பகுதியைச் சேர்ந்தவர் வினோத் (25). இவர் தனது மனைவி மீனாவுடன் பல்சர் பைக்கில் நேற்று முன்தினம் (செப்.,20) முக்கொம்பில் இருந்து கோயம்புத்தூர் நோக்கி சென்று கொண்டிருந்தார். அப்போது கிருஷ்ணராயபுரம் பஸ் ஸ்டாப் அருகே எதிரே அதிவேகமாக வந்த பைக் மோதியதில் வினோத், மீனா கீழே விழுந்து படுகாயம் அடைந்தனர். கரூர் தனியார் மருத்துவமனையில் சிகிச்சை பெற்று வருகின்றனர். இதுகுறித்து மாயனூர் போலீசார் நேற்று (செப்.,21) வழக்குப்பதிந்து விசாரணை நடத்தி வருகின்றனர்.