ரயில் நிலையத்தில் சிலிண்டர் வெடித்ததில் ஒருவர் படுகாயம்

கன்னியாகுமரி மாவட்டம் நாகர்கோவில் சந்திப்பு பகுதியில் ரயில் நிலையம் உள்ளது. எப்போதும் பரபரப்பாக காணப்படும் இந்த ரயில் நிலையத்தில் இன்று (19-ம் தேதி) பிற்பகல் மெக்கானிக் பிரிவு அருகே ரெயில் பெட்டிகளை இணைக்கும் பணி நடைபெற்றுக் கொண்டிருந்தது.  
        அப்போது எதிர்பாராத விதமாக அங்கு பொருத்த பட்டிருந்த தீயணைப்பு சிலிண்டர் திடீரென வெடித்தது. இதில் பெட்டிகளை இணைக்கும் பணியில் ஈடுபட்டிருந்த கிறிஸ்டோபர் என்ற தொழிலாளி படுகாயம் அடைந்தார். அவரை மீட்டு நாகர்கோவிலில் உள்ள ஒரு தனியார் மருத்துவமனையில் சேர்த்தனர்.  
       விபத்து தொடர்பாக ரயில்வே போலீசார் மற்றும் அதிகாரிகள் விசாரித்து வருகின்றனர்.