செங்கல்பட்டில் பட்ஜெட் நகலை கிழித்தெரிந்து ஆர்ப்பாட்டம்

செங்கல்பட்டில் ஒன்றிய அரசு அறிவித்த பட்ஜெட் நகலை கிழித்தெறிந்து தொழிலாளர் சங்கங்களினர் கண்டன ஆர்ப்பாட்டம். கடந்த பிப்ரவரி 1ம் தேதி ஒன்றிய அரசு 2023-24ம் ஆண்டின் ஒன்றிய பட்ஜெட்டை தாக்கல் செய்தது. மத்திய நிதியமைச்சர் நிர்மலா சீதாராமன் கடந்த 1ம் தேதி ஒன்றிய அரசு பட்ஜெட் தாக்கலில் தமிழகத்தை அவமதிப்பதை கண்டித்து அனைத்து தொழிற்சங்கங்களின் சார்பில் செங்கல்பட்டு தலைமை தபால் அலுவலகம் முன்பு கண்டன ஆர்ப்பாட்டம் நடைபெற்றது. 

ஒன்றிய அரசு அறிவித்த பட்ஜெட்டில் தமிழக அரசுக்கு ஒன்றிய அரசு, விவசாயிகள், தொழிலாளர்கள், கல்வி, வேலைவாய்ப்பு போன்ற எந்தவொரு அறிவிப்பும் வெளியிடவில்லை என கூறி அனைத்து தொழிற்சங்கங்களைச் சேர்ந்த 100க்கும் மேற்பட்ட தொழிலாளர்கள் பட்ஜெட் நகலை கிழித்து கண்டன ஆர்ப்பாட்டத்தில் ஈடுபட்டனர்.