ரூ.16.17 லட்சம் மதிப்பிலான தங்கம் பறிமுதல்

திருச்சி விமான நிலையத்திற்கு நேற்று மலேசியாவில் இருந்து ஏர் ஏசியா விமானம் வந்தடைந்தது. அதில், வந்து இறங்கிய பயணிகளை சுங்கத்துறை அதிகாரிகள் சோதனை செய்தனர். அப்போது, சந்தேகத்திற்கு இடமான முறையில் இருந்த 3 பயணிகளின் உடைமைகளை சுங்கத்துறை அதிகாரிகள் சோதனை செய்தனர். அப்போது, அதில் சுருள் வடிவில் மறைத்து வைத்து கொண்டு செல்லப்பட்ட ரூ.16.17 லட்சம் மதிப்பிலான தங்கம் இருந்தது கண்டுபிடிக்கப்பட்டது. தொடர்ந்து, அவர்களை கைது செய்த அதிகாரிகள் விசாரணை நடத்தி வருகின்றனர்.