முன்னாள் எம்.பி., காலமானார்

கர்நாடக முன்னாள் எம்.பி., இக்பால் அகமது சர்தாகி (81) புதன்கிழமை காலமானார். இவர் சில காலமாக உடல்நலக்குறைவால் அவதிப்பட்டு வந்தார். கலபுர்கியில் உள்ள தனியார் மருத்துவமனையில் சிகிச்சை பெற்று வந்த அவர் நள்ளிரவு 1 மணியளவில் உயிரிழந்தார். 1999 மற்றும் 2004ல் இரண்டு முறை எம்பியாகவும், ஒருமுறை எம்எல்சியாகவும் பதவி வகித்துள்ளார். அவரது மறைவுக்கு அகில இந்திய காங்கிரஸ் கட்சியின் தலைவர் மல்லிகார்ஜுன கார்கே, முதல்வர் சித்தராமையா, துணை முதல்வர் டிகே சிவக்குமார் ஆகியோர் இரங்கல் தெரிவித்துள்ளனர்.