கோபி அரசு பள்ளி மாணவர்களுக்கு விலையில்லா மிதிவண்டி

ஈரோடு மாவட்டம் கோபிசெட்டிபாளையம் லக்கம்பட்டி பேரூராட்சிக்கு உட்பட்ட கரட்டடிபாளையம் அரசு மேல்நிலைப் பள்ளியில் மாணவ மாணவிகளுக்கு மிதிவண்டிகள் வழங்கும் விழா நடைபெற்றது, இந்த நிகழ்ச்சியில் முன்னாள் அமைச்சரும் கோபி சட்டமன்ற உறுப்பினருமான கே. ஏ. செங்கோட்டையன் கலந்து கொண்டு 70 க்கும் மேற்ட்ட மாணவ மாணவிகளுக்கு விலையில்லா மிதிவண்டி வழங்கி சிறப்புறையாற்றினார். பின்னர் பள்ளி மாணவ மாணவிகளுக்கு பேனாக்களை வழங்கிய முன்னாள் அமைச்சர் செங்கோட்டையன், இனிப்புகளை வழங்கினார்.