நத்தம்: மலையடிவாரப் பகுதியில் மலைப்பாம்பு கடித்து ஆடு பலி

திண்டுக்கல் மாவட்டம் நத்தம் அருகே முளையூர் கிராமத்தில் மலையடிவாரப் பகுதியில் சீனிவாசன் என்பவரின் தோட்டத்தில் வழக்கம் போல் ஆடுகள் மேய்ந்து கொண்டிருந்தது. அப்போது திடீரென ஆடு ஒன்று கத்தியுள்ளது.

ஆட்டின் அலறல் சத்தம் கேட்டு சீனிவாசன் ஓடிவந்து பார்த்தபோது மலை பாம்பு ஒன்று ஆட்டுக்குட்டியை கடித்துள்ளது. இதையடுத்து பாம்பிடம் இருந்து ஆட்டுக்குட்டியை மீட்ட சீனிவாசன் மலைப்பாம்பு இருப்பது குறித்து நத்தம் தீயணைப்புத் துறையினருக்கு தகவல் தெரிவித்தார். இந்நிலையில் மலைப்பாம்பாள் கடிபட்ட ஆடு பரிதாபமாக இறந்தது.

தகவல் அறிந்து சம்பவ இடத்திற்கு வந்த நத்தம் தீயணைப்பு வீரர்கள் புதருக்குள் மறைந்திருந்த எட்டடி நீளம் உள்ள மலைப்பாம்பை நீண்ட நேரம் போராடி பாம்பு பிடிக்கும் கருவி மூலம் லாவகமாக பிடித்து வனத்துறை வசம் ஒப்படைத்தனர்.

மலைப்பாம்பை பெற்றுக் கொண்ட வனத்துறையினர் அடர்ந்த வனப்பகுதிக்குள் விடுவித்தனர்.