11-வது புத்தகத்திருவிழா ஒருங்கிணைப்புக் குழு கூட்டம்

திண்டுக்கல்லில் புத்தகத்திருவிழா நடத்துவது தொடர்பாக மாவட்ட ஒருங்கிணைப்புக் குழு கூட்டம் மாவட்ட ஆட்சித்தலைவர் பூங்கொடி தலைமையில் மாவட்ட ஆட்சியர் அலுவலக கூட்டரங்கில் நடைபெற்றது.

புத்தக வாசிப்பை ஒரு மக்கள் இயக்கமாக எடுத்துச் செல்லும் வகையில் புத்தகக் கண்காட்சி நடத்தப்படுகிறது. இதற்காக அரசு சார்பில் ரூ. 25. 00 இலட்சம் நிதி ஒதுக்கீடு செய்யப்பட்டுள்ளது. பொதுநுாலக இயக்ககத்தின் வழிகாட்டு நெறிமுறைகளைப் பின்பற்றி மாவட்ட நிர்வாகம், பொது நுாலக இயக்ககம் மற்றும் திண்டுக்கல் இலக்கியக்களம் ஆகியவை இணைந்து திண்டுக்கல் நகரில் 11-வது புத்தகத்திருவிழா திண்டுக்கல் டட்லி மேல்நிலைப்பள்ளி மைதானத்தில் 10. 10. 2024-ஆம் தேதி முதல் 20. 10. 2024-ஆம் தேதி வரை தினமும் காலை 10. 00 மணி முதல் இரவு 9. 00 மணி முடிய நடைபெறவுள்ளது.

இப்புத்தகத் திருவிழாவிற்கு வரும் அனைவருக்கும் நுழைவு கட்டணம், வாகனம் நிறுத்துமிட கட்டணம் ஏதுமில்லை. எனவே, திண்டுக்கல் மாவட்டத்தை சேர்ந்த பொதுமக்கள், மாணவ, மாணவிகள் அனைவரும் புத்தகத்திருவிழாவிற்கு வருகை தந்து, பயன்பெறலாம், என மாவட்ட ஆட்சித்தலைவர் தெரிவித்தார்.

இக்கூட்டத்தில், உதவி ஆணையாளர்(கலால்) பால்பாண்டி, மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் மாரி, மாவட்ட ஆட்சியரின் நேர்முக உதவியாளர்(பொது) கோட்டைக்குமார், திண்டுக்கல் இலக்கிய களம் நிர்வாகிகள் உட்பட பலர் கலந்து கொண்டனர்.