கோவிலூரில் ஆரோக்கிய மாதா தேர்த்திருவிழா சிறப்பு வழிபாடு

உலகெங்கும் உள்ள கத்தோலிக்க கிறிஸ்தவர்களால் இயேசு கிறிஸ்துவின் அன்னை ஆரோக்கிய மாதாவின் பிறந்தநாள் நேற்று செப்டம்பர் 08 கோலாலமாக கொண்டாடப்பட்ட நிலையில், தர்மபுரி மாவட்டம் நல்லம்பள்ளி வட்டத்துக்கு உட்பட்ட கோவிலூரில் சுமார் 200 ஆண்டுகள் பழமை வாய்ந்த புனித சவேரியார் தேவாலயத்தில் பங்கு தந்தை ஆரோக்கியசாமி தலைமையில், அருட்தந்தையர்கள் கூட்டுப் பாடல் நிறைவேற்றினர்.

பின்பு ஆரோக்கிய மாதா சிறப்பு ஆடம்பர தேர்பவனி பக்தி பாடல்கள் மற்றும் ஜெப வழிபாடுகளுடன் ஊரை சுற்றி வலம் வந்தது. இதில் சுற்றுவட்டார பகுதியில் இருந்து ஏராளமான பக்தர்கள் கலந்து கொண்டனர். பின்னர் அனைவருக்கும் அன்னதானம் வழங்கப்பட்டது.